Zer dela eta ez dira hain onak zaporeak sudurra itxita dugunean?
Egunean 20.000 aldiz hartzen dugu arnasa. Arnasten dugun bakoitzean nahiz eta agian ez ohartu, usain eta lurrinak barneratzen ditugu. Gure sudurrak, bilioi bat usain baino gehiago antzeman ditzake. Usaimenak arriskuez oharrarazten gaitu, esaterako sua edo gasa, edota jateko seguruenak diren janariak zein diren esaten digu. Gainera, nahiz eta bitxia izan, eguraldia iragartzen ere lagun diezaguke.
Pertsona bakoitzak bere usaina du. Besteak beste, genetikan nahiz dietan oinarritutako usain hori hatz marka bezain bakana da. Horretaz gain, guraso asko beren haurra usaimenaren bidez identifikatzeko gai dira.
Usaimenak ere bereizten du elikagai bat beste elikagai batetik, eta ez soilik dastamenak; izan ere, begiak itxita eta sudurra estalita elikagai bat probatzen bada, gozoa, gazia, mikatza edo azidoa den baino ezin izango da epaitu. Aldiz, usaina hautematen denean, zein elikagairi buruzkoa den esan ahal izango da. Beraz, jakien zaporea bereziki usaimenaren baitan dagoenez, zaporeak ez dira horren onak sudurra itxita duzunean! Ikusi, ikusi!
Animatu zaitez eta egin ezazu proba!!!
Egileak: DBH 4ko Biologia-Geologiako ikasleak
Kontsultatutako iturriak:
- Baer S., Firth R., Hall R., James A., Martin J. (2017). 100 kontu ondo ezagutzeko janaria. Ttarttalo argitaletxea.
- Parque explora. (2015, urriak 9). Entre gustos no hay disgustos. https://labur.eus/qJJki
- Master Chef. (2020, uztailak 1). Adivinarán de qué sabor es el yogurt saboreándolo con la nariz tapada? https://labur.eus/upK48
Utzi erantzuna