Azaroaren 26n, danborrada eguna izan zen Azkoitian, egun handia. Aurten ere Floreagatik bi talde atera ziren, gurasoen eta ikasle ohien taldeak.
Azkeneko urteetan eduki ez zen normalitatea berriz ere berreskuratu ondoren, eta eguraldia lagun zutela, gau polit bat igarotzeko aukera izan zuten gure kideek, danbor soinuak herri osoan zabalduz.
Aurtengoa berezia izan zen. Pena handiz, gure ikasle ohien taldeko zuzendaria den Juan Luis Arrizabalaga “Motza” ren agurra izan genuen. Azkeneko 19 urtez, zuzendari lanetan ibili izan denak, aurten azkeneko aldiz gidatu ditu gure taldeak.
Joseba jatexean izan zen afariaren ondoren, omenaldi hunkigarri bat jaso zuen. Bertara danbor eta barrikekin gerturatu ziren berarekin danborrada antolatzen ibiltzen diren kide ezberdinak eta baita Floreagako taldean ateratzen diren beste kide batzuk ere.
Beste zuzendaria den Angel Andreurekin batera “Azkoitia” doinua zuzendu zuten, momentu polit bat sortuz jatetxean.
Oroigarri gisa, zuzendari txapel eta makila jaso zuen, eta era berean, Mailu Irizarrek eginiko bertso sorta eta Ana Expositok eginiko marrazki bat ere bai.
Lerro hauetatik ere, Floreagako talde guztiaren partez ESKERRIK beroena eman nahi dizugu.
Eskerrik asko Motza! Eskerrik asko zuzendari!
Utzi erantzuna