BERTSO JAIALDIAK ETA SARIAK
Aurten ere oparoa izan da bertsolaritzaren uzta Floreaga ikastetxean. Beti bezala gogotsu hartu dugu parte, Bertsozale elkarteak, udalaren laguntzaz, ikastetxeetan garatzen duen Ahozkotasun proiektuan. Eta emaitza ezin hobeak eman ditu proiektuak. Euskara lantzeko aparteko tresna dugun bertsolaritzak izugarrizko eragina du ikasleen motibazioan eta ondorioz baita erabileran ere.
Euskara egunerako, Santa Agedarako, Bertsometarako… egindako lanez gain, aurten bi jaialdi egin ditugu On Bosco aretoan: bata, bat-bateko koplak eta zortzikoak osatuz eta bigarrena, aurrez egindako bertsoak buruz ikasiz eta gurasoen aurrean abestuz. Biak ere arrakastatsuak, zalantzarik gabe. Egindako lanaren laginak dituzue ondorengo bideo eta argazki bildumak.
Bat-bateko koplak:
Gurasoentzat jaialdia:
Bestalde gure ikasle batzuk bertso txapelketa ezberdinetan parte hartu dute eta harro sentitzeko moduko emaitzak lortu dituzte.
Urolako Bertso Idatzien Eskolarteko Txapelketan 3 ikaslek jaso dute saria: Eriet Zubizarretak, Ane Arrizabalagak eta Enara Etxanizek. Ekainaren 15ean egin zen sari banaketa Azpeitiko Basazabal jauregian.
Bestalde, hitanoa bultzatzeko asmoz udalak antolatu duen I.Hike eizan! Bertsopaper lehiaketan, gazteen mailan, Azkoitia saria Noa Break, Intza Arrietak eta Maddi Arrietak osatutako hirukoteak irabazi du. Sari banaketa ekitaldia ekainaren 30ean egingo dute Elkargunean.
Utzi erantzuna