Floreagako hezitzaileontzat jolas-denbora haurren garapen arlo desberdinetarako momentu garrantzitsuenetako bat da. Izan ere, ikastetxeko jolas-eremuetan haurren arteko loturak sendotzeaz gain, adin desberdinetako ikasleen harremanak sustatzen dira.
Arrazoi hauek direla medio, gure jolas denborek haurrei ahalik eta aukera gehien ematea da gure helburua, betiere hezkidetzaren oinarriak kontuan izanik eta ikasle guztien ongizatea ahalbidetuz. Aukera horien artean, kirol ezberdinak praktika ditzakete, dantzatu eta abestu, mahai jolasetan aritu, mugimendu librean jolas desberdinetan jolastu… Ekintza hauetariko batzuk aurrera eramateko, 6.mailako ikasleen laguntza ezinbestekoa egiten zaigu, beraien esku egoten baitira mahai-jolasen gunea eta patio berdeko jolasak.
Bestetik, hezitzaileen presentzia ere oso garrantzitsua dela iruditzen zaigu, ikasle-irakasleen arteko harremana hobetzeko eta haurrak beste esparru batean ikustea oso baliagarria delako.
Beraz, jolastokia oso tresna egokia dela iruditzen zaigu haurren garapen sozio-afektiboa, fisikoa eta kognitiboa garatzeko. Horregatik, gogo handiz jarraituko dugu honetan lanean, gure ikasleen hezkuntza integrala bermatzeko asmotan.
Utzi erantzuna