CONSUMOPOLIS 12: FLOREAGA GARAILE BEDERATZIGARRENEZ
Urte asko daramatzagu Floreaga ikastetxean kontsumo arduratsua sustatu nahi duen lehiaketa honetan parte hartzen eta egia esan oso emaitza onak lortu izan ditugu urte guzti hauetan. Aurten 9. aldiz irabazi dugu Euskadi mailako txapelketa LH 3. ziklokoek. Horretaz gain 2. eta 3. sariak ere geuk eskuratu ditugu.
Bestalde DHB ko 1. zikloan ere talde batzuk parte hartu dute eta hauek 3. saria eskuratu dute.
Aurten honako gai hauetan jarri behar zuten arreta eta hiru arlo hauei buruzko hausnarketa egin behar izan dute, lehiaketaren bigarren zatian.
- Informazio eta Komunikazio Teknologiak (IKT): Gure erabilera arduratsua da?
- Merkataritza elektronikoa: Segurua da?
- On-line jokoak: Badago aisialdirako beste alternatibarik?
Consumopolis lehiaketak arlo ezberdin asko lantzeko aukera ematen digu:
- Kontsumo arduratsuaren garrantziaz jabetzeko aukera ematen die ikasleei galdera eta joku ezberdinen bidez.
- On-line burutzen denez IKTak lantzeko aukera bikaina eskaintzen du (aurten adibidez BLOG baten burutu behar zuten eskatzen zitzaien lana).
- Taldeka egin behar denez talde-lana sustatzen du, taldearentzat onak diren estrategiak bilatzen laguntzen die.
- Sormena sustatzen du testuak idatzi, bertsoak sortu, esloganak asmatu edota marrazkiak eginez…
Utzi erantzuna