Martxoaren 26an jokatu da Floreaga Ikastetxean XXX. Xabier Sagarzazu futbito txapelketa. Aurtengo edizioarekin amaiera eman zaio Xabier zenaren oroimenez 30 urtez antolatu den lehiaketari.
Neska eta mutilen talde bakoitzak ordu erdiko hiru partida jokatu ditu, denak denen aurka, eta hor erabaki da zein taldek jokatuko zuten finala. Azken sailkapena honela gelditu da:
Nesketan: Iraurgi, Floreaga, K. Etxegarai eta X. Munibe
Mutiletan: X. Munibe, K. Etxegarai, Ikasberri eta Floreaga.
Sari eta oparien banaketan hemen izan dira Anaitasuna F.T.eko Pedro Urdanpileta, Udaleko Angel Martin zinegotzia, Errealeko jokalari ohiak (Tomas Orbegozo, Alberto Gorriz, Michel Loinaz, Juan Antonio Larrañaga, Agustin Gajate eta Jose Mari Martínez), eta Xabier zenaren anaia-arrebak.
Txapelketa honek laguntzaile izan ditu erakunde eta enpresa hauek: Anaitasuna F.T., Eibar F.T., Azkoitiko Udala, Joseba Jatetxea, Etxaniz autoeskola, Etxeberria Karrozeria, Reformas ALVAUR, Zurt Taberna, Koxka Taberna, Alkorta Bitxitegia, XEYE Atletismo Taldea eta Real Sociedad Futbol Taldea.
Xabierrez gain, urte hauetan joan zaizkigun Julen Sagarzazu, Genaro Zelaieta, Musti Mujika eta Josean Alkorta kazetaria ere gogoratu ditugu une honetan.
Xabierren ama Karmen eta etxekoi ohorezko aurreskua eskaini zaie ondoren. Errealeko jokalariek Xabierri propio egindako kamiseta eman diote Karmeni eta Floreaga Ikastetxeko Guraso Batzordeen izenean, Angel Mari Arenasek Xabierri buruzko argazki album bikaina eman dio amari. Xabierren arreba Mailuk denei eskerrak eman dizkie, familia osoaren izenean, 30 urte hauetan egin den lan bikainarengatik. Luntx gozo batekin eman zaio amaiera Xabierren omenezko lehiaketa honi.
Mila esker partaide izan diren eta zareten guztioi.
Hitzak eta argazkiak: Juan Inazio Sudupe
Utzi erantzuna