On Juan Carlos Pérez, Salestarren Inspektore edo Probintziala, Azkoitian izan dugu bisita kanonikoa egiten martxoaren 8 eta 9an.
Bilboko aireportuan jaso zuen Davidek goizean goiz. Komunitateko anaiekin elkarrizketei hasiera eman zien berehala. Arratsaldean, udaletxean bilera izan zuen Javier Zubizarreta alkatea eta Ana Azkoitia zinegotziarekin. Jarraian Alai Batzako monitore talde handi batekin eta gero IGE-AMPAko batzordeko kide batzuekin bildu zen.
Ostegunean LHko neska eta mutilei “Egun onak” eman zizkien patio berdean eta DBHko talde batzuk agurtu zituen ikasgeletan. “Korrika” ekimenerako grabatu genuen bideo labur baten ere partu hartu zuen. Gero Koldo Gurrutxagarekin, On Felix Erretorearekin, Pastoral Taldearekin eta komunitateko anaiekin hitz egin du, eta klaustroa agurtu du arratsaldean.
Animo asko eman dizkigu, gazteen zerbitzuan jartzen den eskola eta komunitate hezitzailea izan gaitezen, eskola “maitagarria, adeitsua”.
Hitzak: Juan Inazio Sudupe
Argazkiak: Juan Inazio Sudupe
Utzi erantzuna