EUSKARAK 365 EGUN
Aurtengo honetan ere ospatu dugu Euskararen Nazioarteko Eguna eta goiza fresko samar esnatu bazitzaigun ere, berehala hasi ginen giroa musikaz berotzen. Bezperako egunetik sarrera-irteerak doinu alaiez bustiz, horrela jarraituko dugu astea amaitu arte.
Euskararen Egunean bertan, ez ziren falta izan bertsolariak, txistulariak, atabalak, dantzariak… Zein baino zein dotoreago! Eta bai ederki abestu zutela LH eta HH-koek: “…dakitenek erabiliz, ez dakitenek ikasiz, herri bat osaturik EUSKARAZ NAHI DUGU BIZI…”
Hainbat lehiaketa burutu genituen euskararekin lotuta. LH-koek bikainki parte hartu zuten gela bakoitzean gauzatu zen Euskal Ginkanan. DBH-koak ere lanean aritu ziren “ Euskaraz bizitzeko dekalogoa” osatuz. Baita ere esan, DBH-n hiru astez luzatu den Euskal Ginkanaren sariduna zein den ostiralean jakinaraziko dugula.
Arratsaldean HH-koak aretoan bildu ziren eta ekitalti guztiz polita burutu zuten: asmakizunak, abestiak, dantzak …
Momenturik hunkigarrienetako bat plazakoa izan zen. Milaka azkoitiar gazte, plaza osoa harturik, euskararen aldeko aldarrikapena eginez.
Bai, aurtengo abenduaren 3an ere ospatu dugu Euskararen Nazioarteko Eguna. Baina ez dezagun ahaztu EUSKARAK EGUNERO behar gaituela eta ez urteko egun batean soilik.
Floreaga euskaraz, euskararekin eta euskararen alde.
Hitzak: Hizkuntza Normalkuntzako batzordea
Argazkiak: Juan Inazio Sudupe, Maria Arenas, Iban Garcia, Asier Odriozola eta Cristina Garate













Utzi erantzuna