Aste honetan DBH 2.mailakoak Bartzelonan egon dira ikasbidaia gauzatzen.
Martxoaren 20an, goizeko 07:00etan, autobusera igo eta Zaragozarantz abiatu ginen. Han Pilareko Ama Birjina ikusteko aukera izan genuen eta aisialdia bazkaltzeko eta paseoren bat egiteko. Ordu biak aldera berriro bideari ekin genion eta arratsaldeko seietan Montjuic estadio olinpikoan geunden. Han aprobetxatu genuen argazki batzuk ateratzeko eta inguruko eraikin ospetsuak ere ikusteko: Palau Sant Jordi, Calatrabak egindako telekomunikazio dorrea… Geroago, menditik zeuden hiriburuko panoramikekin gozatu egin genuen. Ezin izan genuen denbora luzez han egon, Chicote programa bat han bertan grabatzen ari zelako. Une horretarako guztiok aterpetxera heltzeko irrikaz geunden eta hara joan ginen. Autobusetik maletak hartu, logeletara eraman eta segidan afaldu egin genuen. Oheratu baino lehen batzuk futbolean ibili ziren, beste batzuk hizketan…
Bigarren egunean Bartzelona bisitatu genuen. Nou Camp eta ZOOn egon ginen. Beranduago, gure motxilei ondo helduta ibilaldi bat egin genuen alde zaharra eta Ranbletan zehar eta margolari eta artista askorekin topatu ginen. Paseoa amaitu genuenean denbora librea izan genuen Port-Velleko zentro komertzialean afaltzeko eta erosketaren bat egiteko.
Hirugarren egunean azkar gosaldu genuen Port-Aventurara joan behar baitzen. Ez zegoen denborarik galdu behar. Han benetan gozatu egin genuen atrakzio guztietan igoz (Shambala, Stampida, Hurakan Kondor, Dragon Khan, Furius Baco…). Gainera, errenkan denbora laburra egon behar zenez, egunaren bukaeran askok ez zekiten zenbat aldiz ibili ziren bakoitzean. Amaitzeko, arratsaldeko lau eta erdietan uretako atrakzioetan ibili ginen denok batera. Sekulako eguna izan zen.
Azkenik, Port Aventuratik atera ginenean, itzulerako bideari egin genion. Baina gure abenturak ez ziren amaitu, autobusa hondatu egin zen eta beste bi hartu behar izan genituen Azkoitira heltzeko. Hala ere, denok oso gustura ibili ginen, izugarrizko giro ederrarekin eta gogoan gordeko ditugu egun hauek betiko.
Argazkiak: Iban Garcia, Asier Odriozola, Itziar Gainzarain, Iñaki Echeverria
Utzi erantzuna