Bidaia hau Amical Mauthausenek eta SOS Arrazakariak antolatutakoa da. DBH4. mailako hiru ikasle gara, maiatzaren 10etik 14ra Austriara bidaia bat egin dugu eta honi buruz hitz egingo dizuegu.
Maiatzaren 10ean gaueko 23:45 Donostian autobusa hartu genuen Bartzelonara joateko. Gau osoa bidaiatzen igaro ondoren, goizeko 7:00etan iritsi ginen Bartzelonako autobus geltokira. Bertan, taxia hartu eta aireportura eraman gintuen. 8:20an hegazkinean sartu etab Munichera bi orduko bidaia egin genuen. Munichen autobusa hartu eta hiru orduko bidaiaren ondoren gure lehenengo taldeko ekintza burutu genuen, Hartheimeko gaztelua ikustea.
Hartheim Austriako eutanasia zentru bat izan zen Nazien kontrolpean egon zena. Bertan 20.000 ezindu hil zituzten. Ezindu horien artean, eskolan gaizki zebiltzanak, elbarriak, atzeratuak… zeuden. Gurekin zihoazen hainbat taldeek omenaldiak egin zizkioten bertako biktimei olerkiak abestuz, testu batzuk irakurriz… Ondoren, hotelera joan ginen eta afaldu eta gero Amical Mauthauseneko buruek hitzaldi bat eman ziguten nazismoari, faxismoari eta arrazismoari buruz.
Bigarren egunean Mauthauseneko kontzentrazio esparrura joan ginen. Bertan lehenik eta behin dokumental bat ikusi genuen kontzentrazio esparruari buruz. Gero, bertan egondako preso baten semeak lagundurik, Mauthausen bisitatu genuen. Ondoren, Mauthauseneko harrobia ikusi genuen. Harrobitik Mauthauseneko esparrura igotzeko eskailera batzuk daude, heriotzaren eskailerak izenpean. Presoek eskailera hauek bizkarrean harriak harturik igotzen zituzten eta sarritan poliziak jipoiturik bertan hiltzen ziren.
Arratsaldean Guseneko sarraskitze eremura joan ginen. Bertako eraikinen aztarna gutxi daude lurrak saldu egin baitzituzten, baina italiar bati esker, orain oroigarriak bertan jarraitzen du. Gusenen bertan egondako Poloniako preso batekin ere hitz egin genien eta bere bizi esperientzia azaldu zigun. Eguna amaitzeko, hotelera itzuli ginen eta afaldu ondoren, berriro ere Amicalekoak hitzaldi bat eman ziguten.
Azken egunean, berriro ere Mauthausenera joan ginen. Egun honetan munduko hainbat herrialdek bertako presoei omenaldia egin genien. Milaka pertsonak hartu genuen parte desfile batean bertan zeuden guztiek oroitzeko. Bazkaldu ondoren Municherako bidea hartu genuen eta bertan erosketa batzuk egin ondoren, hegazkina hartu genuen Bartzelonara. Bartzelonan alberge batean egin genuen lo. Hurrengo goizean autobusa hartu eta etxera itzuli ginen.
Bidaia ederra izan dela pentsatzen dugu. Asko ikasi genuen holokaustoari buruz eta gertatutakoa inoiz ez ahaztea nahi dugu, horrelakorik berriro ez gertatzeko.
Hitzak: Leire Elorza, Azul Ayuso eta Guillermo Nuñez
Argazkiak: Koldo Gurrutxaga
Utzi erantzuna