Apirilaren 23an Liburuaren Nazioarteko Eguna ospatu genuen eta egun hau aprobetxatu nahi izan genuen mailegu-sisteman urte osoan zehar parte hartu dutenen artean opari bat zozketatzeko.
Parte hartzaileek, liburuak irakurri eta laburpenak egin dituzte urtean zehar. Pisten bitartez, gutxi gorabehera imaginatu ahal izan dute zein den oparia. Liburu gehiago irakurri dituztenek, aukera gehiago izan dituzte gaurko zozketako irabazlea izateko.
Irabazlea DBH2Bko MARIA SANCHEZ izan da, kamera digital zoragarri bat irabazi du! Zorionak eman nahi dizkiogu Maria Sanchezi. Honetaz gain, eskerrik asko parte hartu duzuen guztioi eta Normalkuntzako Ikasle Batzordeari, asteartero hor egon baitira liburutegian etortzen zirenei harrera egiten.
Ea hurrengo urtean ere mailegu-sistemarekin jarraitzeko aukerarik dugun.
Liburuaren Nazioarteko Eguna izan dela aprobetxatu nahi dut guztiok euskaraz irakurtzera bultzatzeko, bertako idazleei indarra emateko eta euskal kultura bultzatzeko, gure esku baitago.
Floreagan apirilaren 23an, mundu guztian bezala, Liburu Eguna ospatu zen. Horretarako ekintza ezberdinak antolatu ziren.
Eguna hasi eta berehala, Egun Onetan DBHko ikasle batzuek animatu gintuzten urtean zehar Euskaraz irakurtzera.
Goizeko 11:30etan , Haur Hezkuntzakoentzat eta Lehen Hezkuntzako lehen eta bigarren mailakoentzat jaialdi bat antolatu zen. Jaialdian, 5. mailako neska-mutilek antzerkiak eta dantzak eskaini zituzten eta LHko bigarren mailakoek irakurketa batzuk egin zituzten. Ikasle gaztenek adi-adi jarraitu zituzten antzeztutako lanak (“Baserritarraren pastelak”, “Ondo eginaren ordaina”, “Aurrera eta goxoago” eta “Xoriei mintzo zen”) eta baita beste ikuskizunak ere.
Goizean zehar beste ekitaldi bat ere egon zen, kasu honetan DBHko ikasleentzat. Ikastetxeko Liburutegiko Mailegu-sisteman urte osoan zehar parte hartu dutenen artean kamera digital baten zozketa egin zen. Zortea oraingoan DBH2Bko MARIA SANCHEZ ikaslearentzat izan zen. Zorionak!
Arratsaldean Juan Luis Zabala idazle azkoitiarraren bisita izan genuen. Izandako elkarrizketa interesgarrian bere bizitza eta lanari buruzko zehaztasunak eman zizkigun. Ondoren esker oneko oroigarri bat eskaini genion Floreagako guztion izenean gure artean egoteagatik. Segidan, arratsaldeko jaialdiarekin jarraitu genuen. 5. mailakoen antzerkiez gain 3., 4., 5. eta 6. mailako ikasleek euskaraz eta gaztelaniaz irakurketak egin zituzten.
Jaialdiaz aparte, egunaren zehar, LHko ikasgeletan liburuen trukaketak egin ziren liburuak ekarri zituztenen artean.
Bai egun ederra!
Hitzak: Oihane Arregi eta Juan Carlos Orodea
Utzi erantzuna