DBH 4koen AZKEN BIDAIA
Apirilaren 13tik 16ra DBH4ko ikasleak Madrilen izan dira beraien ikasbidaia burutzen. Floreagan egin eta egingo duten azken bidaia izan da.
Apirilaren 13an, goizean goiz, abiatu ginen Madril aldera. Bisitatu genuen lehenengo tokia Segovia izan zen. Bertan ubidea, katedrala eta Alcazarra ikusi ahal izan genituen. Segoviako hiriburutik La Granja de San Ildefonsoko jauregia ikusi genuen. Jauregia gida baten gidaz ezagutu genuen. Bertako loretegi ikaragarrietatik pasiatu eta iturri ondoan argazki batzuk atera ondoren Madril aldera abiatu ginen. Autobusetik zenbait eraikin, monumentu ezagun ikusteko aukera izan genuen aterpetxera iritsi baino lehen.
Bigarren eguna hasteko Madrilgo Erret jauregia ikusi genuen gida baten laguntzaz, handik Erretiroko parkera bazkaltzera eta txalupetan arraun pixka bat egitera. Bazkal ondoren Santiago Bernabeú estadioa gure zain, handik Reina Sofia museora zuzenean Picassoren Gernika eta beste artelan batzuk ikustera.
Hirugarren eguna San Lorenzo del Escoriak monasterioko bisitatuz hasi ginen, han ere gida batek ederki azaldu zizkigun monasterioko txoko guztiak. Bazkaltzera Retiroko parkera eta handik Atochako geltokira, bertan hasi genuen gure pasira izango zena. Atochako geltokia ikusi, El Pradoko museoa, Neptuno iturria, Congreso de los Diputados, Sol plaza eta bukatzeko Plaza Nagusia. Autobusa hartu eta Xanadú merkatal gunera joan ginen. Han batzuk shooping egiten aritu ziren bitartean, beste batzuk karr-etan markak hautsi nahian ibili ziren.
Larunbatean Warner parkera joan ginen. Han atrakzio gehienak probatzeko aukera izan genuen. Bazkal ondoren uretako guneetara abiatu ginen denok batera. Txalupak gureak ziren! Talde handietan eta umorea soberan genuela, bidaia bat bestearen atzetik izan zen. Ez zegoen gehiago bustitzeko aukerarik!
Bidaia honek bazituen helburu batzuk: elkarbizitza, ikustea, ikastea, lagunak…! Denak ondo askorik bete dira. Anekdotak eta pasadizoak ugari, denak ezin dira kontatu. Ondo pasatutako lau egun bete-beteak !
Utzi erantzuna