LH 1 ziklokook, martxoaren 29a, asteartea, ibilaldia burutu genuen. Aurten baserrietan burutzen dituzten lanak ezagutzera joan ginen.
Goizean taldeetan banatu eta baserri hauetan egon ginen:
Gabiriako Baztarrika baserrian LH 2B mailakoak gazta egiten aritu ziren.
Eitzako Urruti baserrian LH 2A mailakoak, loreak egiten aritu ziren.
Urretxuko Aikur baserrian LH 1A mailakoak erleak ezagutzen egon ziren.
Itsasoko Hariztizabal baserrian LH 1B mailakoak frutak ezagutzen egon ziren.
Eguerdian denak Legazpiko plazan elkartu ginen batera bazkaltzeko.Bertan dagoen parkean ederki ibili ziren. Eguraldia ere portatu egin zen.
Laurak aldera autobusak hartu eta Azkoitira itzuli ginen.
Bi hilabete barruan LH 2 mailakoek egindako gazta dastatuko dute.
Hitzak eta argazkiak: LH 1-2ko irakasleak
Utzi erantzuna