IGARTUBEITIA, EGUNERATUTAKO TRADIZIOA IKASLEEN ESKURA
Eguraldi mapari begira igaro genuen aurreko aste osoa, izan ere, Igartubeitiko irteera oso ezberdina baita eguzkipean eta euripean. Baina zoria gure alde jarri eta aparteko eguraldiaz igaro genuen eguna XVI. mendeko baserri zoragarri honetan.
Ikasleak bi tailer eta tolarea martxan ikusteko aukera izan zuten eta benetan oso ondo pasa zutela esan genezake inolako zalantzarik gabe.
Bi taldeak, txandaka, baratzean lan egiteko eta gozatzeko aukera izan zuten; azenarioak, piperrak, kalabazak, artoa… denetarik jaso genuen eta uztaren zati txiki bat etxera ekarri ere bai…
Bestalde garai bateko bizimodu eta ohituren berri ere izan zuten oso era egokian prestaturiko ikusentzunekoei esker. Eta bertan jasotakoa aurrez-aurre ikusteko aukera izan zuten: sukaldeko tresnak, altzariak…
Baina agian ikusgarriena tolarea izan zen guztiontzat: urtean behin, hamabostaldi batean, egunero, jendaurrean, tolareak nola funtzionatzen duen erakusten diote jendeari, egitura osoa nolakoa den azaldu eta ondoren zatiz zati desmontatuz eta montatuz.
Aparteko eguna beraz Igartubeitian igarotakoa!
Hitzak: Mailu Irizar
Argazkiak: Mailu Irizar, Laura Murillo eta Manex Etxeberria
Utzi erantzuna