Testua: Olatz Gabilondo
Urriaren 23an, ostiralean, aste guztiko nekea gainean bagenuen ere, ilusio handiz abiatu ginen LH5.mailakoak, Oñati eta bere inguruneetan egin genuen txangora.
Kantuz betetako bidaian, Arantzazurako bidea hartu genuen. Bertan bi taldetan banatu ginen. Batzuk lehenengo kobazuloa ikusi eta ondoren, oinez berriro Arantzazurako bidea egin bagenuen, besteok alderantziz egin genuen. 
Kobazuloaren zati bat ikusteko aukera izan genuen eta baita, bertan garai batean bizi izan ziren zenbait animalien aztarnak ere.
Arantzazutik kobazulorako bidea ere oinez egin genuen. Horrela gure inguruan ditugun Izarraitz bezalako, kareharrizko beste mendi ingurune bat ezagutu genuen eta hauetan, ura nola iragazten den, kobazuloak sortuz, ikasi genuen.
Berriro autobusean, Oñatira jaitsi eta Ingurugiro Etxean bazkaldu genuen, ondoren ogia egiten irakatsi zigutelarik. Bertan, animali ezberdinak ikusi genituen. Batzuk oraindik gure artean ikus ditzakegunak eta beste batzuk, jada, gure artetik desagertu direnak.
Konturatzeko eta pena handiz, bueltan etortzeko ordua iritsi zitzaigun. Lagun artean, egun polita pasatzeaz gain, eskolan ikusitako zenbait gauza, begiz ikusi eta ikasteko aukera polita izan genuen.
Utzi erantzuna