Iritsi da Korrika! Martxoaren 14an Irunen hasi zen 23. Korrika eta igande honetan, martxoaren 24an, amaituko da Baionan. Eta ttipi-ttapa, ttipi-ttapa iritsi da euskararen aldeko lasterketa erraldoia Azkoitira eta Floreagara.
Atzo arratsaldean Korrika Txikia egin genuen eta lekukoa elkarri pasaz korrika egin dugu peto koloretsu, doinu alai eta oin hots zoriontsuekin. Kaletik itzulia egin ondoren goiko patiora igo gara eta bertan LH6koek lekuko barruan zegoen mezua irakurri digute. Horrela zioen mezuaren zati batek: Ikasle, izan harro; euskaldun, izan harro; haur eta gazte, izan harro. Euskara da gure jolasik onena, bizi euskaraz! Ondoren, bertsoak abestu dizkigute eta amaitzeko aurtengo abestiarekin dantza egin dugu. Arratsalde bikaina igaro dugu, euskararen alde!
Ordu batzuk pasata, asteazken honetan, goizeko 5:30 aldera iritsi da Korrika Azkoitira. Floreagakooi 1476. km-a egokitu zaigu. Elosura bidean, Zabaletabidekoa bidegurutzean eta bertan hartu dugu lekukoa goizeko 5:57ak aldera.
Iluntasunari eta aldapa gogorrei aurka egin eta taldetxo ederra bildu gera bertan. Urduritasunak urduritasun, hantxe egon gara zain, noiz iritsiko furgoneta musikarekin eta argiekin. Azkenean, iritsi da! Lekukoa hartu eta bertan geunden guztiak, pozik, irrifarrez goruntz egin dugu, “Ttipi-ttapa, ttipi-ttapa Korrika”. Familia, ikasle eta irakasle, DENOK BATERA EUSKARAREN ALDE! Zoragarria izan da!
FLOREAGA EUSKARAZ, EUSKARAREKIN eta EUSKARAREN ALDE!
Utzi erantzuna